My tryst with poetry... Part-2

Inn dino ek chahat si rehti hai,
Inn dino ek bagavat se rehti hai,

Diye ki madhim roshni mein,
Uske aane ki ek aas si rehti hai,

Nadi kinaare baitha hu,
Par ek ajab si pyaas rehti hai,
Iske paani se bhi weh pyaas bhuj na pati hai,

Uske aanchal ki woh garmi,
Uski lehraati zulfon ki thandi chhaon,
Aaj bhi jaise har waqt mere saath hon,

Uska woh mere kaandhe par sar rakh kar so jaana,
Toh kabhi uska mere baalon ko sehlana,
Aaj bhi mere mann ko haule se chhu jata hai,

Halaat aise bane hain doston,
Din begaane se aur raaten anjaani si lagti hain,

Ek fikar si rehti hai iss madhi roshni ke daaman mein,
Ek zikar sa rehta hai inn yaadon ke aangan mein,

Kya woh pal fir laut ke aayenge,
Kya fir se iss soone mann mein panchhi chah chahayenge,

Ab toh har pal ek sapna sa lagta hai,
Na jaane kal ki subah kya rang laayegi,

Inn dino ek chahat si rehti hai.
Inn dino ek chahat si rehti hai....

______________________________
This one was written by me on last sunday night (Oct 3rd) and some editing was done in the next two days while in lectures in college...!.. The source of insipiration is from a real incident (not on myself).. many of you will start thinking that way...!..eeheheee.e..